Tutmonda Kampanjo por Evangelio en Domo

SPIRITISMA GRUPO ANGULETO DE LA ĜOJO estas spiritisma institucio por studo, praktikado de karitato, socia promocio kaj diskonigado de Spiritismo. Ĝi situas en urbo João Pessoa, subŝtato Paraíba, Brazilo.

Kiel sekvantoj de Kristo, ni komprenas, ke por transformi la planedon ĉirkaŭ ni, nepre necesas unuigi la religiojn kun fokuso sur la familio por estigi la pacon en la koro de la hejmo, renovigante kaj vigligante en ĉiu koro la moralajn kaj kristajn konceptojn, por ke la homaro postlasu la malnovajn vestojn de egoismo kaj orgojlo, sindirektante al intima aliiĝo kapabla alfronti la gravajn problemojn de la vivo pere de la amo, la karitato, la humileco kaj la respekto al ĉiaj diferencoj, sociaj, raciaj kaj/aŭ religiaj, ke ni kune helpu faciligi la eniron de Jesuo en la hejmojn, pere de la klarigoj kaj ekzemploj de la Majstro el Nazareto.